Bank RBK екінші деңгейлі банктер арасында меншікті капиталының өсімі бойынша ең жоғары нәтиже көрсетті

2025 жылдың 1 қарашасына қарай Қазақстанның екінші деңгейлі банктерінің (ЕДБ) балансындағы меншікті капиталы шамамен 10 триллион теңгеге жетті. Мұны Ranking.kz агенттігі Қазақстан Республикасының Ұлттық Банкі деректеріне сілтеме жасап хабарлады. Бұл алдыңғы аймен салыстырғанда 2,1%-ға жоғары. Оның шамамен 88%-ы осы көрсеткіш бойынша алғашқы ондыққа кіретін банктердің үлесіне тиесілі, яғни 8,7 триллион теңге. Бұл ай сайынғы көрсеткіштен 2,2%-ға жоғары.

Қазақстанның екінші деңгейлі банктері арасында баланс бойынша меншікті капиталдың айлық өсімі тұрғысынан Bank RBK айқын басымдықпен көш бастап тұр. Көрсеткіш 6,2%-ға артып, 233,6 миллиард теңгеге жетті. Жыл басынан бері банк көрсеткішті 17,9%-ға арттырды. Баланс бойынша меншікті капитал қаржы институттарының қаржылық тұрақтылығын сипаттайтын маңызды көрсеткіштердің бірі. Бұл көрсеткіш активтер мен міндеттемелер арасындағы айырманы білдіреді. Баланс бойынша меншікті капиталдың динамикасына қарай банктің өз қаржылық ресурстарының жай-күйі мен қаржылық әлеуетін бағалауға болады. Бұл қаржы институты өзінің белсенді портфолиосын құру үшін пайдаланатын қаржылық ресурстар. Сонымен қатар аталған көрсеткіш банктің сенімділігі мен инвестициялық тартымдылығын айқындайды.

Bank RBK-ның қаржылық тұрақтылығын айғақтайтын тағы бір факт. Мәселен, банк қараша айында 176,8 миллиард теңге мөлшеріндегі мемлекеттік көмекті толықтай мерзімінен бұрын қайтарып, оңалту бағдарламасына қатысуын белгіленген мерзімнен жеті жыл бұрын аяқтады. Бұл шешім банктің өтімді, жауапкершілігі бар және тиімділігі жоғары екенін көрсетеді. 

2025 жылдың 1 қарашасына қарай Bank RBK активтері 2,7 триллион теңгеге жетіп, ай ішінде 11,3% өсті (сектордағы көшбасшы көрсеткіш), ал міндеттемелері 2,5 триллион теңге болды (+11,8%). Ал қазан айының қорытындысы бойынша банктің пайдасы 55,8 миллиард теңге болды (2024 жылдың дәл осы кезеңінде 49,4 миллиард теңге болған).

Жалпы алғанда, 2025 жылдың 1 қарашасындағы жағдай бойынша Қазақстанның екінші деңгейлі банктерінің активтері 67,8 триллион теңгеге жетті (ай сайын 1,1%-ға өсті). Ал міндеттемелері 57,8 триллион теңге болды (ай сайын 1%-ға өсті). Пайдасы 2,3 триллион теңгеге жетті (өткен жылдың дәл осы кезеңіндегі 2,1 триллион теңгемен салыстырғанда).

Ұзақ мерзімді динамика бойынша Қазақстанның екінші деңгейлі банктерінің балансындағы меншікті капиталы бір жылда 17,9%, ал бес жылда 2,6 есе өскен.

ҚНРДА берген 05.04.2021ж № 1.2.100/245/41