"Балапан, біз сені күтеміз": Блогер Елдос Калабок әке атанбақ
Фото: Видеодан скрин
Күні кеше көптен күткен қуанышын бөлісіп, сүйінші сұраған белгілі блогер Елдос Калабок пен жұбайы Таңшолпан gender party жасады. Танымал жұпты қазақстандықтар жарыса құттықтады. Бұл туралы Stan.kz ақпарат агенттігі хабарлайды.
Блогердің көптен күткен арманы орындалып, ұлды болмақ.
“Сүйінші, қазақ елі. Аллаға шүкір, осы күнге жеттік. Балапан, біз сені күтеміз”, – деп жазды блогер.
Ерлі-зайыпты Ләйлә Сұлтанқызына берген сұхбатында жүктілік кезіндегі ауыр кезеңдер туралы айтты.
“Операция жасаған соң маған ұрықты салды. Мен робот, зомби сияқты күні ештеңе істемей бойына жататынмын. Мен де, дәрігерім де қатты үміттеніп қалдық. Екі аптадан кейін ХГЧ тапсыратын болдым. Басында-ақ болмай қалғанын сездім. Тапсырдық, болған жоқ. Біріншісі сәтсіз аяқталды. Алланың қалауымен, дұғамызбен тілеп келдік. Кейін Астанаға барып екіншісін салдырдық”, – дейді Таңшолпан.
Ол қуаншты жаңалықты алғаш күйеуіне жеткізгенде де Елдос сенбеген. Кейін отбасынан сүйінші сұрап, қуантқан. Блогер анасының қатты жылағанын айтып қалды. Бірақ жүктілік кезінде қауіпті сәттер болған.
“Інімнің балаларына ойыншық алу үшін дүкенге кірдік. Кірсек біреу үлкен шар үрлеп жатыр екен. Шар кенет қатты жарылып, Таңшолпан шошып қалды. 10- 15 минуттан кейін дәмханаға барып отырған кезде қан кетті. Бірден ауруханаға апардым”, – деп Елдос сол кезде қатты қорыққанын жасырмады.
Ал жұбайы көп қан кеткенін көріп, күдерін үзген.
“Жүктіліктің 5-6 аптасы еді. Жан-жағыма қарап жатқан жоқпын. Мейіргерлер мені жұбатып жатыр. “Жатыр мойны жабық болуы мүмкін, жылама” дегенде ғана есімді жидым. Дәрігерлер бәрін тексерді, бәрі дұрыс екен, жатыр мойны жабық екен. Сөйтіп қанды тоқтатты. Екі күн ауруханада жаттым. Үшінші күні бәрі дұрыс болған соң “үйге бара берейін” дедім. Дәрігерімнің келісімінсіз ештеңе істемедік”, – деді Таңшолпан.
Еске салайық, блогер 13 жылдан бері белсіздік дертімен күресіп келгенін жазған едік.

Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
