Тергеудің мәліметінше, 30 жастағы жігіт қаңтарда қылмысқа қасақана барған. Ол қылмыс барысында ішімдікке тойып алыпты. Қаскөй туған анасын пышақтап тастаған. Содан кейін қансыраған мәйітті үйдің ауласына тастап, от қойған дейді. Қансырап жатқан 54 жастағы әйелді көршілері көріп, полицияға қоңырау шалған.

“Пышақпен жүрек тұсынан үш рет соққы жасап, әрі қарай арқасынан 6 рет пышақ сұққан. Қылмысын жасыру мақсатында үйде 15 метр жердегі дәретхана маңынан алдын ала қазылған жерге ағаштарды салып от жаққан. Сарайдан шынжыр алып шығып, шынжырмен Аданованың мойнынан сүйреп, алдын ала қазылған жерге әкеліп, мәйіттен құтылу үшін түнімен өртеген”, – деді мемлекеттік айыптаушы Меруерт Досмаханбетова.

Өз анасын аяусыз өлтіріп, өртеп жіберген қазақстандық жазадан құтылып кетті

“Көршілері шықты. “Мынау адам өлтірді” деді. Үйді көрсетті. Кірсек, үйдің бәрі қан-қан болып жатыр екен. Есіктері ашық. Арғы жақта от жанып жатыр. Жүгіріп қарасақ, адамның қаңқасы ғана қалған”, – деді полиция қызметкері.

Прокурордың сөзінше, бала кезде анамнан қорлық көрдім деген жігіт кек алу мақсатында осындай қатігездікке барған. Бірақ алғашқы сот отырысына айыпталушының өзі келмеді. Ол қазір психикалық денсаулық орталығында емделіп жатыр екен.

Өзін ұстауы өзгерген. Туыстарын, анасын ұрған. Туыстарын ұра бергеннен кейін әйелі полиция шақырып, жатқызған. 2024 қаңтарынан бастап стационардан шыққан соң есепке алынған. Ол жерде шизофренияға жақын ауруы болған соң есепке алынған”, – деді Шымкент қалалық психикалық денсаулық орталығының басшысы Сәуле Әлімбекова.

Мерт болған жалғызбасты ана екінші топтағы мүгедек болған.

Марқұмның туыстары сотқа онлайн қатысты. Олар кінәлінің жазасыз қалмауын сұрайды. Айтуларынша, мұндай айуандыққа барған адам бостандыққа шықса тағы бір адамның өмірін қиюы мүмкін.

Еске салайық, бұған дейін Шымкентте ұлы 54 жастағы анасын өлтіріп, өртеп жібергені туралы жазған едік.

Талқылау