Бүгінде 12 баланың анасы: Шымкент тұрғыны 13 жасында тұрмысқа шыққан
Айсұлу Жалелова Шымкентте аз ғана уақыт ішінде танылып үлгерді. Көпбалалы ананың тағдыры желіде қызу талқыға түсті.
Айсұлудың өзінің айтуынша, ол жүкті кезінде Ираннан Қазақстанға оралған. Ата-анасы бала күнінде қайтыс болып, 13 жасында тұрмысқа шыққан, деп жазады Отырар.
“Мен тұңғышымды 14 жасымда өмірге әкелдім. Аллаға шүкір, 12 балам барына қуанам. Күйеуім бар. Ол ауырып жүр. Табылған жұмысты істейміз. Астанадан жақында балам келді. Ол жақта жұмыс істетіп, жалақысын берер кезде қуып жіберіпті”, – дейді Айсұлу.
Айсұлудың кенжесі 8 айлық. Әйелдің тұрақты жұмысы жоқ. Кеңселерді тазалап ақша табады.
“Мен ақша сұрамаймын. Бізді аяғанын, талқыға салғанын қаламаймын. Осынша балам барына қуанам. Маған жақсы жұмыс болса екен деймін. Бәрінің өмірде қиындығы болады. Бұл да өтеді. Көпшілік не себепті сонша бала тудың деп сынайды. Өзім үшін тудым. Алланың қалауымен саналы етіп балаларымды тәрбиелеп, еліне қызмет ететін адам болады”, – дейді ол.
Қазір отбасы жеке үйде тұрып жатыр. Талқыға түскен соң олар бизнесменнің бірінің назарына іліккен. Кәсіпкер отбасыға тұратын үй бөлген. Ол үшін ақы алмайды.
Stan.kz сайтын Telegram арқылы оқыңыз. Арнамызға жазылыңыз.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"4 миллион теңге күйіп кетті": Мерекеде қызғалдақ сатқан қазақстандық кәсіпкерлер биыл шығынға батқан
Кәсіпкер: "3000 гүл сатуымыз керек еді, бірақ тек 166 дана қызғалдақ саттық"