Әйел екі баласын терезеден лақтырып жіберді: Отбасы туралы көршілер айтты
Таразда 36 жастағы келіншек туған балаларын бесінші қабаттағы терезеден лақтырып жіберді. 5 және 3 жастағы бала қазір ауруханада ауыр жағдайда жатыр. Көршілері ерлі-зайыптының жанжалдасқанын бұрын-соңды көрген емеспіз деп отыр. Бұл туралы Stan.kz ақпарат агенттігі 31-арнаның “Информбюро” бағдарламасына сілтеме жасап хабарлайды.
Тұрындардың айтуынша, 16 метр биіктіктен тасталған қос бүлдіршіннің жан даусы шыққан. Куәгерлер артынша келіншектің өзі де секірмек болғанын айтады. Бірақ кейін ойынан айнып, балаларын құтқармақшы болыпты. Алдын ала болжам бойынша, 36 жастағы әйел бұл қадамға жолдасымен жанжалдасып қалған соң барған.
“Біреу лақтырып жіберіпті артқы терезеден. Кім екен дедім. Содан кейін қыздарым “құрылыс материалдарында істейтіндер” деді қыздарым. Сол әйел лақтырып жіберген ғой. Екі баласын біреуі 5-те біреуі 2-де дейді. Күйеуін көргенмін құрылыс материалда істегенімде. Жақсы отбасы еді”, – дейді тұрғындардың бірі Рахима Байтөлиева.
Отбасы қала маңындағы бес қабатты жатақхананы жалдап тұрған. Әйел жұмыссыз, ал күйеуі құрылыс материалын сататын дүкенде еңбек еткен. Көршілері бұл отбасының бұрын-соңды ұрысқанын, сырт көзге оғаш қылықтарын көрмедік деп отыр. Ал, ауруханада жатқан науқастардың жағдайы ауыр.
“Екі бала да жедел түрде жансақтау бөлімшеге жатқызылып, лабораторлық диагностикалық іс-шаралар арнайы қызметкерлердің қаралуынан өтті. Қызға бас ми жарақаты, оң аяғының сүйегінің сынуы, төменгі жақтың сынуы диагнозы қойылған болатын. Ұлдың миы қатты ісінген, бас ми жарақатын алған”, – дейді Жамбыл облыстық көпбейінді балалар ауруханасының бас дәрігері Мәулім Кенжалы.
- 2026 жылға арналған Ораза кестесі жарияланды
- Павлодарда балаларын терезеден лақтырып жіберген әйелге қатысты қылмыстық іс сотқа түсті
Ал балаларын лақтырып жіберген ана қамауға алынды. Қазір полиция "кәмелет жасына толмаған балаларды өлтіруге оқталу" бабы бойынша тергеу жүргізіп жатыр.
“Аталған дерек бойынша сотқа дейінгі тергеу амалдары басталды. Күдікті анықталып, ұсталды және уақытша ұстау изоляторына қамаққа алынды. Қазіргі уақытта қажетті кешенді тергеу іс-шаралары жүргізіліп жатыр”, – деді Жамбыл облысы полиция департаментінің ресми өкілі Құндыз Бөгенбаева.
Бұған дейін 36 жастағы әйелдің өз үйінің терезесінен 5 жастағы қыз бен 3 жастағы ұлын лақтырып жібергені туралы жазған едік. Екі бала да бас миының жарақатын алып, олардан ми ісігі анықталды. Қыз баланың жамбас сүйегі сынып кеткен. Дәрігерлер ертең оған ота жасалатынын айтты.
