Австрия құрамасы Сан-Мариноны 10:0 есебімен ұтып, тарихи жеңіске жетті
Австрия ұлттық құрамасы өз тарихындағы ең ірі жеңісіне қол жеткізді. Бұл туралы Stan.kz ақпарат агенттігі хабарлайды.
Ральф Рангник жаттықтыратын команда әлем чемпионатының іріктеу ойынында Сан-Мариноны 10:0 есебімен ойсырата жеңді.
Матчтың басты кейіпкері — "Црвена Звезда" шабуылшысы Марко Арнаутович. Ол қарсылас қақпасына төрт гол соғып, покер жасады. Сонымен қатар, дортмундтық "Боруссия" ойыншысы Марсель Забитцер екі нәтижелі пас берді. "Комо" қорғаушысы Штефан Пош дубль жасап, бір пастың авторы атанса, "Вердер" жартылай қорғаушысы Романо Шмид те гол және ассистпен көзге түсті.
Бұл жеңіс Австрия құрамасының жаңа рекорды болды. Бұған дейінгі ең ірі нәтиже 1977 жылы тіркелген — ол кезде команда Мальтаны 9:0 есебімен ұтқан еді.
Сан-Марино үшін бұл ең ауыр жеңіліс емес. 2006 жылы олар Германиядан 0:13 есебімен ұтылған болатын.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі