"Австралияға бару үшін 2 миллион 400 мың теңге бердік": "Qoslike" жобасының қатысушысы, блогер Ағлан Ақпан жұмыс тауып беремін деп бір топ адамды алдап соққан

Фото: https://www.instagram.com/aglanakpan/

"Qoslike" жобасының қатысушысы, блогер Ағлан Ақпан Австралияға жұмысқа апарамын деп қарапайым халықты алдап соқты. Бүгінде жәбірленушілердің қатары көбейген. Бұл туралы Stan.kz ақпарат агенттігі хабарлайды. 

Ақшасын қайтаруды талап еткен жәбірленушілер “Әділдік алаңы” бағдарламасына келді. Сөздерінше, екі жылдан бері блогермен жүздесе алмай жүрген көрінеді.

“Екі жылдан бері ақшамызды қайтармай отыр”

“Осы жерге досымыз екеуміз келгенбіз. Инстаграмдағы жарнамаға сендік. Ағлан Ақпан өзі жарнамасын жасаған еді. Австралияға жұмысқа апарамын” деп сендірді. Енді сол ақшамызды қайтара алмай жүрміз. Негізі, теміржолда электрик болып істеймін. Айлығым – 200 мың теңге. Әлі күнге дейін сол жерде істеймін”, – дейді Бақыт Мәметоқаев.

Бақыттың сөзінше, досы Нұрлан екеуі 2023 жылы Австралияның Сидней қаласына барып, құрылысшы болып еңбек етіп, табыс тапқысы келген. Айына 2 миллион теңге жалақы алатынына сенімді болған. Алайда блогер ақшаны алғаннан кейін виза берілмегенін айтып, ақшаны қайтаруға уәде еткен. Бірақ арада екі жыл өтсе де, ақша да жоқ, Ағлан да хабар-ошарсыз кеткен. 

                                                    “7 миллион теңге несием бар”

Екінші алданған адам Нұрлан Төлебаев блогердің кесірінен несиесін өзі жабуға тура келген. Алматылық тұрғынның айтуынша, фармацевт болып жұмыс істеген. Кейін жалақысы мардымсыз болып, шетелге кетуді ойлаған. 

“Фармацевт болып жұмыс істедім. Айлығым – 400 мың теңге. Австралияға кететін болғасын жұмыстан да шығып кеттім. Ресми жұмысқа кіре алмаймын. 7 миллион теңге несием бар. “Жұмыс тауып беремін” дегеніне сеніп едік. Ағлан ақшаны алып алып, тайраңдап жүр. Түрлі жерлерге барып, қыдырады. Ал біздің бала-шағамызды кім бағады?! Австралияға кету үшін кредит алып едім. 2 миллион теңге жалақысы бар құрылыста жұмыс істейсіңдер деді. Бірінші күні офисіне барған кезде 360 мың теңге алды. Құжат дайын болғанда қалғанын төлейсіңдер деді. Егер виза берілмесе, 200 мың теңгені ұстап, қалғанын қайтарып береміз деді. 1 миллион 200 мың теңге санап бердім. Келісімшартта көрсетілген 200 мыңды ұстап, қалғанын қайтарып берсе екен. Әркімнің әртүрлі ақша алған. Бір қыздан 1 миллион 500 мың теңге, екінші адамнан 1 миллион 360 мың теңге алды. Бас-аяғы 15 адам Ағланды таппай жүрміз. Соңғы сөйлескенімізде “Өзім де алданып қалдым. Енді сендердің ақшаларыңды өзім ақша тауып қайтарамын” деді. Бірақ хабар жоқ, екі жыл өтті”, – дейді Нұрлан. 

Бағдарлама мәліметінше, блогердің үстінен 9 рет іс қозғалып, жеке сот орындаушылардың шешімімен, елден шығуға тыйым салынған. Бірақ блогер тек шетелден ғана контент жасайды. 

@ruslan__utepbai

Белгілі блогер Ағлан Ақпан бір топ адамды Аустралия еліне жұмыс істеуге жіберемін деп алдаған. Жәбірленушілердің айтуынша, олар блогердің шотына 1 200 000 теңгеден аударыпты. Ақыры соңында не шетелге шықпаған, не ақшаларын қайтара алмай жүр. - Халықты тақырға отырғызған блогердің шындығы қандай? Бүгін 21:00-де «Әділдік алаңында» анықтаймыз!

♬ оригинальный звук - ruslan_utepbai