Ауыз су тапшылығы: Жаңаөзенде қыркүйекке дейін су кесте бойынша беріледі
Маңғыстау облысындағы Жаңаөзен қаласында ауыз су қыркүйек айына дейін кесте бойынша берілмек. "ӨзенИнвес" коммуналдық кәсіпорнының мәліметінше, жаз айларында үздіксіз қамтамасыз ету үшін ауыз су жеткіліксіз екен, деп хабарлайды Stan.kz ақпарат агенттігі Lada.kz басылымына сілтеме жасап.
"Су тұтынудың бірден өсуіне байланысты Жаңаөзенде және маңындағы елді мекендерде 18 сәуірден бастап алдағы мамыр, маусым, шілде және тамыз айларында ауыз су кесте бойынша беріледі", – деп мәлімдеді коммания.
Кәсіпорын тұрғындарды суды тиімді пайдалануға шақырды. Жеке тұрғын үйлерде көшеттерді тамшылата суару әдісі арқылы суаруға шақырды. Себебі бұл суды үнемдейді екен. Сонымен қатар үйде құдық немесе су құюға арналған резервуар болғаны дұрыс.
Су мәселесі қуаттылығы тәулігіне 50 мың текше метр болатын суды тұщыландыратын құрылғының құрылысы аяқталған соң шешіледі. Зауыт 2024 жылдың төртінші тоқсанында іске қосылады деп жоспарланған.
Талқылау
Әлеуметтік желіде танымал қала әкімі кім: Шымқала басшысы 109 мың, Петропавл әкімі 2 мыңнан аса адамға есеп береді
Оқырмандардың сұрақтарына Алматы қаласы əкімдігінің қоғамдық қабылдау бөлмесі жауап береді
Шетелде бірнеше мүлкі бар, Құлыбаевтың компаниясында директор: Басы дауға қалған Олжас Байділдинов туралы не белгілі
Қазір ол Тимур Құлыбаевқа тиесілі компанияның бас директоры қызметін атқарады