Ауылдарға шағын ұшақпен қатынау ұсынылды: Көлік министрлігі оның қалай жүзеге асатынын айтты (видео)
Көлік вице-министрі шалғай ауылдарға шағын ұшақпен қатынау туралы ұсынысқа қатысты пікір білдірді. Бұл туралы Stan.kz ақпарат агенттігі хабарлайды.
Сенат кулуарында журналист министрлік өкілі Талғат Ластаевтен бұл жұмыстың қалай жүзеге асырылатынын сұрады.
Көлік вице-министрі қазір бірқатар өңірде бұл жұмыс іске асып жатқанын айтты.
“Міндетті түрде жүзеге асыру керек. Мемлекет басшысының тапсырмасына сәйкес бірнеше шағын авиация, әуежайларды жасап жатырмыз. Өздеріңіз білетіндей, ол Зайсан, Қатонқарағай, Кендірлі және Арқалықта жасалып жатыр. Одан бұрын Үржар, Үшарал, Балқаш әуежайын жаңартып, қалпына келтіріп жатырмыз”, – деді министрлік өкілі.
Талғат Ластаев бұл жұмысты міндетті түрде іске асыратынын жеткізді.
Айта кетейік, бұған дейін Мәжіліс депутаты Серік Егізбаев Қазақстан өңірлерін бір-бірімен байланыстыру үшін шағын авиацияны дамытуды ұсынған еді.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі