Ауғанстанда британдық "Өткір қалпақтылар" сериалының кейіпкерлері стилінде киінген төрт адам ұсталды

Видеодан скрин

Ауғанстанда "Острые козырьки" (Peaky Blinders) британ сериалындағы кейіпкерлердің стиліне ұқсас киім киген төрт адам ұсталды. Бұл туралы "Азаттық радиосының" ауған қызметі талибтер үкіметінің Игілік насихаты және жамандықтың алдын алу министрлігіне сілтеме жасап хабарлады.  Бұл туралы Stan.kz ақпарат агенттігі хабарлайды.

Сериалдың жанкүйерлері екенін айтқан ер адамдарды елдің батысындағы Герат провинциясының Джебраил елдімекенінде "тәртіп полициясы" ұстаған.

Басылымның мәліметінше, топтың алғашқы видеосы 2025 жылдың қарашасында Instagram-да жарияланған. Онда қара түсті костюм, пальто, кепка және қолғап киген төрт жігіт көшеде келе жатады. DailyMail жазғандай, олардың суреттері ауған әлеуметтік желілерінде кең тараған.

Ұсталардан бір апта бұрын олар Herat-Mic YouTube арнасына сұхбат берген. Арна оларды "Томас Шелби тобы" деп атаған (Томас Шелби  сериалдың басты кейіпкері). Өзін топтың жетекшісі деп таныстырған Асег Хоссейни сериалдағы киім мен классикалық стильге ерекше қызығушылықтары барын, болашақта Ауғанстандағы әртүрлі этникалық топтардың киімдерін көрсетуді жоспарлайтындарын айтқан.
Игілік насихаты және жамандықтың алдын алу министрлігінің өкілі Саейфул Ислам Хайбер олардың әрекеті "исламдық құндылықтар мен ауған мәдениетіне сәйкес келмейтінін" мәлімдеді.

2021 жылдың тамызында билікке келген талибтер қыздар мен әйелдерге қатаң шектеулер енгізген. Олардың қоғамдық орындарда сөйлеуіне және бетін ашып жүруіне тыйым салынған. DailyMail дерегінше, шаштараздарға ер адамдардың сақалын алуға және шаштарын сәндеуге тыйым салынған.

"Афганфильм" кинокомпаниясының бұрынғы бас директоры Сахра Карими мұндай топтар елде қыздар, әйелдер және жас ер адамдарға салынған қатаң шектеулерге қарсы наразылық ретінде пайда болып жатыр деп есептейді.

"Олар іс жүзінде Ауғанстандағы мәжбүрлеу мен үстемдік жүйесіне қарсы екендерін көрсеткілері келді", - деді ол "Азаттық радиосының" ауған қызметіне.