Қытайда метапневмовирус өршіп тұр. БАҚ мәліметінше, вирустың жылдам тарап жатқаны сонша, ауруханалар науқастарға толып жатыр. Метапневмовирустан бөлек Қытайда тағы бірнеше вирус жүріп жатыр. Оның ішінде Mycoplasma pneumoniae де бар.

Сондай-ақ әлеуметтік желідегі ақпаратқа сенсек, дене қызуы көтеріліп, жөтел, тамақ ауруымен ауруханаға жатқызылып жатқан балалардың қарасы көп. Қытайдың Ауруларды бақылау және алдын алу басқармасы сырқатты зерттеу үшін науқастардан сараптама алынып, нәтижелері белгілі болғанын мәлімдеді.

“Амбулаториялық-емханалық бөлімшелердегі және бақылаушы ауруханаларының жедел жәрдем бөлімшелеріндегі тұмауға ұқсас жағдайлардан алынған тыныс алу жолдарының үлгілеріндегі қоздырғыштар, негізінен, тұмау вирусы, адамның метапневмовирусы және риновирус. Ауыр жедел респираторлық инфекциясы бар ауруханаға жатқызылған науқастардың ауруын қоздыратын негізінен, тұмау вирусы, Mycoplasma pneumoniae және адамның метапневмовирусы”, – деп мәлімдеді Қытайдың Ауруларды бақылау және алдын алу басқармасы.

Талдау нәтижелеріне сәйкес, қазір сондай мезгіл болғандықтар ауыр респираторлық жұқпалы аурулар өршіп тұр. Сондай-ақ басқармадағылар бірқатар провинцияларда Mycoplasma pneumoniae ауруы басылып, 14 жасқа дейінгі балалар арасында метапневмовирус жағдайы тұрақсыз болып, асқынып тұр.

Дүниежүзілік денсаулық сақтау ұйымы (ДДҰ) Қытайдағы індетке қатысты әзірге ешқандай мәлімдеме жасаған жоқ.

Айта кетейік, 2023 жылдың қараша-желтоқсан айларында Қытайда микоплазмалық инфекция өршіп тұрған еді. Кейінірек бұл аурудың оқшауланған жағдайлары Дания, Франция, Нидерланды және Ресейде тіркелді. Содан кейін ДДҰ Қытай мен Ресейдегі эпидемиологиялық жағдайға түсініктеме беріп, пневмонияның өршуі пандемия емес, қалыпты құбылыс екенін атап өтті.

“Адам метапневмовирусы – көптеген елдерде ондаған жылдар бойы таралған классикалық вирустардың бірі. Бұл вирустың штамдары Қазақстанда ЖРВИ және тұмау ауруларының маусымдық өсуі кезеңінде кеңістікте белсенді айналымда болатын инфекциялардың басқа түрлерімен қатар анықталды”, – дейді ведомство.

Санитариялық-эпидемиологиялық бақылау комитетінің мәліметінше, эпидемиялық маусымның басында республика бойынша тұмауға жатпайтын вирустарға 8 360 үлгі зерттелген. Оның ішінде оң 1866 (22%), атап айтқанда, паратұмау – 178 (9,5%), РС вирусы – 433 (23,2%), метапневмовирус – 30 (1,6%), риновирус – 680 (36,4%), бокавирус – 113 (6,1%), аденовирус – 226 (12,1%), коронавирус – 206 (11,1%).

Метапневмовирус негізінен ауа тамшылары арқылы және аз жағдайда тұрмыстық байланыс арқылы беріледі. Инфекцияның негізгі белгілері – жөтел, мұрыннан су ағу, ентігу, тырысу, бас ауруы. Нақты емдеу жоқ, симптоматикалық емдеу қолданылады. Қазір Қазақстанда, бүкіл әлем сияқты, ЖРВИ және тұмаумен сырқаттанушылықтың маусымдық өсуі тіркеліп жатыр.

“Эпидемиологиялық маусымның басынан, өткен жылғы 1 қазаннан бастап республикада ЖРВИ-дің 2 002 335 жағдайы және зертханалық расталған тұмаудың 941 жағдайы, оның ішінде А(H1N1) типті тұмаудың 910 жағдайы, А(H3N2)-1 жағдайы, В тұмауының 30 тіркелді”, – деп мәлімдеді министрлік.

"Жөтел қысып, температура көтеріледі": Қазақстандықтар елде вирус тарағанын айтып, дабыл қақты (видео)

"12 бала бақылауға алынды": Алматы облысындағы мектеп оқушылары арасында тері ауруы тарады

Ведомство халықты профилактика шараларын сақтауға және адамдар көп жиналатын жерлерде байланыстарды шектеуге шақырады. Бұл әсіресе, созылмалы аурулары бар ең осал пациенттерге қатысты ескерту.

Тұмау мен ЖРВИ-дың профилактика шаралары:

Адамдар көп жиналатын орындарға, әсіресе жабық үй-жайларға баруды шектеу;
Үй-жайларды үнемі желдету;
Қолды тазарту үшін антисептиктерді немесе дезинфекциялық майлықтарды қолдану;
Ауру адамдармен байланысты шектеу, олардың оқшаулануын қамтамасыз ету;
Тұмау және ЖРВИ белгілері пайда болған кезде балаларды үйде қалдыру және ұйымдасқан ұжымдарға (мектепке дейінгі ұйымдарға, мектептерге) жібермеу,
Ауру белгілері пайда болғанда дер кезінде медицина көмегіне жүгіну.

Бұған дейін Еуропада Жаңа жылдан кейін В типті тұмау түрі өршігені туралы жазған едік.

Талқылау