Дүниежүзінде ауа сапасы жағынан Қазақстан ең лас 40 елдің қатарына кірді
Ауа сапасының дүниежүзілік индексінің 2023 жылғы рейтингіне сәйкес, ауасы PM2.5 бөлшектерімен ең көп ластанған елдердің қатарында Қазақстан 134 елдің ішінде 40-орынға түсті. Бұл туралы Stan.kz ақпарат агенттігі IQAir басылымына сілтеме жасап хабарлайды.
Фото: Stan.kz
Қазақстандағы PM2,5 орташа жылдық концентрациясы бір жыл бұрын текше метрге 23 микрограмммен салыстырғанда 22,2 микрограмм/текше метр болды. Бұл көрсеткіш Дүниежүзілік денсаулық сақтау ұйымы ұсынған жылдық орташа ауа сапасынан бірден 4,4 есе жоғары.
Мамандардың мәліметінше, Шу – елдегі ең таза қала. Ал Қарағанды ең лас қала деп саналады.
Дүниежүзінде ең ластанған елдер қатарында Бангладеш, Пәкістан және Үндістан бар, ал ең тазасы – Француз Полинезиясы, Маврикий және Исландия.
ТМД елдерінің ішінде Қырғызстан, Өзбекстан және Арменияның ауасы Қазақстанға қарағанда лас. Ал Әзірбайжан, Молдова, Ресей, Украинаға қарағанда таза.
Фото: finprom.kz
Сонымен қатар Қазақстанда биыл қаңтар-қыркүйек айларында қоршаған ортаны қорғауға бағытталған инвестициялар 25,6 млрд теңге болды. Бұл 2023 жылдың сәйкес кезеңімен салыстырғанда 84,8% аз.
2024 жылы секторға инвестициялар Қазақстанның 20 өңірінің 13-інде ғана тіркелді.
Күрделі салымдардың ең көп көлемі Атырау облысына тиесілі, яғни 6,6 миллиард теңге. Бұл бір жыл бұрынғы 27,3 миллиард теңгемен салыстырғанда айтарлықтай төмен, 4,1 есе қысқарған. Екінші және үшінші қатарда Павлодар және Ақмола облыстары. Бұл өңірлерге тиісінше 4,9 миллиард және 4,5 миллиард теңге бөлінген.
Алғашқы бестікке Шығыс Қазақстан мен Қарағанды облыстары да кірді.
Фото: finprom.c
Саладағы инвестициялық портфельдің басым бөлігін кәсіпорындардың жеке қаражаты құрады: 87,3% немесе бір жыл бұрынғы 125,5 миллиард теңгенің орнына 22,3 миллиард теңге.
Күрделі салымдардың қалған бөлігі банктік емес қарыз қаражаттары (1,7 миллиард теңге, 2023 жылғы қаңтар-қыркүйекте 36,8 миллиардтеңге) және банктік несиелер (1,6 миллиард теңге, бір жыл бұрынғы 5,5 миллиард теңге) есебінен болды.
Фото: finprom.kz
Айта кетейік, бұған дейін pерттеушілер Алматының ауасымен тыныс алу қаншалықты зиян екенін айтқан еді.