"Атырау" футбол клубы бір күнде 11 футболшымен қоштасты
23 маусым күні "Атырау" футбол клубы негізгі құрамдағы 11 ойыншымен келісімшартты үзгенін ресми түрде хабарлады. Бұл туралы Stan.kz ақпарат агенттігі клубтың баспасөз қызметіне сілтеме жасап мәлімдеді.
Командадан кеткен ойыншылар қатарында қақпашы Санжар Ерниязов, қорғаушылар Мирам Сапанов, Равиль Атыханов және Микаэль Аскаров, жартылай қорғаушылар Роман Чирков, Амандық Набиханов, Сұлтан Сагнаев пен Заза Цицкишвили, сондай-ақ шабуылшылар Шохан Абзалов, Едіге Оралбай және Бақдәулет Зұлфиқаров бар.
"Бірқатар футболшылар өз мансаптарын басқа клубтарда жалғастырады. Олар клуб намысын қорғау барысында жанкештілік пен кәсібиліктерін көрсетті. Әрқайсысына қосқан үлесі үшін алғыс айтып, болашақта табыс пен сәттілік тілейміз", – делінген "Атырау" клубының хабарламасында.
Қазір Қазақстан Премьер лигасының 15-турынан кейін "Атырау" футбол клубы турнир кестесінде небәрі 4 ұпай жинап, 14-орында келеді.
Қазақстандық ер адам Көк төбедегі қымбатшылыққа шағымданды: Саябақтың иесі кім және неліктен бағалар жоғары?
Парктің әкімшілік басшысы Фархат Уәлиев парк жұмысына қатысты сын негізсіз екенін айтады
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"