"Астана" велокомандасының жаңа құрамында бірде-бір қазақ спортшысы жоқ
Елордалық “Астана” велокомандасы алдағы жарыстарға қатысатын құрамын жариялады, команда сапында бірде-бір қазақ жоқ. Бұл туралы Stan.kz ақпарат агенттігі хабарлайды.
Фото: Astana Pro Team
XDS Astana Team велокомандасы Испанияда өтетін “Челлендж Майорка” деп аталатын біркүндік жарысқа қатысады. Бұл туралы клубтың баспасөз қызметі хабарлады.
Команданың алғашқы жарысы “Трофео Кальвия” турнирі болмақ. Бұл бәсекеде “Астана” командасының намысын мына ойыншылар қорғайды: Клеман Шампуссан (Франция), Антон Чармиг (Дания), Кристиан Скарони (Италия), Даррен Ван Беккум (Нидерланды), Симоне Веласко (Италия).
Велокоманданың Еуропада қатысатын келесі турнирі “Трофео Сес-Салинес”. Бұл жарыста команда құрамында Макс Кантер (Дания), Маттео Малучелли (Италия), Давиде Тонеатти (Италия), Диего Улисси (Италия), Глеб Сырица (Ресей), Маттиа Негренте (Италия), Густав Ван (Дания) өнер көрсетеді.
Ал команданың спорттық директорлары болып Марио Манцони пен Петер Кеннок бекітілген.
