Астана әуежайында Путинді күтіп алу үшін "Жоғары мәртебелі" деген сөз жазылған баннерлер ілінген (видео)
Астана әуежайында Ресей президенті Владимир Путинді "Жоғары мәртебелі" деген сөз жазылған баннермен күтіп алмақ. Еліміздің Сыртқы істер министрлігінің мәліметінше, оның сапары ресми емес, мемлекеттік мәртебеге ие. Бұл туралы Stan.kz ақпарат агенттігі хабарлайды.
Фото: Видеодан скрин
Елордадағы халықаралық әуежай алдындағы экранда: "Жоғары мәртебелі, Владимир Путин мырза, Астанаға қош келдіңіз!" деп жазылған.
“Бұл сөз тіркесі сапардың ресми емес, мемлекеттік мәртебеге ие болуына байланысты қолданылды. ”, – деді Сыртқы істер министрлігі.
Ал саясаттанушы Ғазиз Әбішевтің сөзінше, бұл хаттама Қазақстанда ғана емес, жалпы халықаралық қатынастарда да қолданылады. Мысалы, Ресейге барған Беларусь президенті Александр Лукашенкоға да "Жоғары мәртебелі" деген сөз айтылды, дейді ол.
Бұдан бөлек, Астана көшелерінде күшейтілген қауіпсіздік режимі енгізілген. Кей көшелер жабылып, қоғамдық көліктердің бағыттары өзгертілген. Ал университет студенттері қашықтан оқуға көшіріліпті.
Айта кетейік, бұған дейін 27 қараша күні Қасым-Жомарт Тоқаевтың шақыруымен елімізге Ресей президенті Владимир Путин мемлекеттік сапармен келетіні туралы жазған едік.
Сондай-ақ Мемлекеттік күзет қызметі Астанада көлік қозғалысына уақытша шектеу қойылатынын айтылған. 2024 жылы 26 қарашада Ғылым және жоғары білім министрлігі Астанадағы кейбір жоғары оқу орындарында 27-28 қарашада білім беру форматының өзгеретінін мәлімдеген.