Әскердегі тағы бір өлім: Жамбыл облысында сарбаз қаза тапты
Жамбыл облысында әскери борышын өтеп жүрген сарбаз қаза тапты. Бұл туралы Stan.kz ақпарат агенттігі хабарлайды.
Желіде тараған ақпаратқа сүйенсек, мерзімді әскери қызметкер снайперлік мылтықпен өзін-өзі атып өлтірген.
Сарбаздың қаза тапқанын бас прокуратура растады.
“27 қаңтарда Жамбыл облысында қаруды ұстау кезінде ажалды жарақат алған мерзімді қызметтегі әскери қызметкердің қайтыс болу фактісі бойынша ІІМ-нің әскери-тергеу органдары сотқа дейінгі тергеп-тексеруді бастады. Жедел-тергеу тобы құрылып, тергеу барысы Бас Прокурордың жеке бақылауында”, – делінген хабарламада.
"Бір айдан кейін табытпен оралды": Жамбыл облысында ұлттық ұлан сарбазы көз жұмды
Сарбаздардың жарақат алуы мен қаза болуы өркениетті елге жат, теріс үрдіс – Тоқаев
Оқиғаның мән-жайын объективті және жан-жақты анықтау мақсатында қорғаныс министрінің орынбасары, бас әскери прокурор және ішкі істер министрлігі әскери-тергеу департаментінің бастығы оқиға орнына аттанған.
Еске салсақ, бұдан бірнеше күн Өскеменде сарбаз қарауыл кезінде өзін атып өлтіргені туралы жазған едік. Қаза тапқан сарбаздың туыстары ұлдарының өзіне қол салғанына сенбейді.
