Асқар Мамин төртінші рет Хоккей федерациясының президенті болып сайланды
Нұр-Сұлтанда Қазақстан хоккей федерациясының XIV республикалық конференциясы өтті. Жиынға атқарушы комитет мүшелері мен аймақтық бөлім басшылары қатысты. Конференция кезінде қатысушылардың бірыңғай шешімімен Асқар Мамин федерация президенті болып қайта сайланды, деп хабарлайды Stan.kz ақпарат агенттігі.
Мамин өз сөзінде 2016 жылмен салыстырғанда Қазақстан ерлер құрамасының 19-орыннан 13-орынға көтерілгенін айтты. Бұл уақыт аралығында ұлттық құрама 19 халықаралық жарысқа қатысқан.
Бүгінгі таңда Қазақстанда 34 мұз аренасы мен модульдер бар. Жақын арада Павлодарда және Қостанайда мұз аренасы мен модулін ашу жоспарланған.
Асқар Мамин Хоккей федерациясын 2008 жылдан бері басқарып келеді.
Талқылау