Арон Атабек жансақтау бөліміне түсті
Түрмеден босап шыққан Арон Атабек жансақтау бөліміне түсті. Бұл туралы Азаттық радиосына оның туыстары хабарлаған.
Олардың сөзіне қарағанда, Атабектің жағдайы өткен аптаның соңында нашарлаған. Ол тамақ іше алмайды.
Айта кетейік, Павлодар соты 1 қазаннан бастап Арон Атабектің жазасын түрмеден бостандығын шектеуге ауыстырды. Ақын әрі диссиденттің денсаулық жағдайына байланысты сот осындай шешім қабылдады.
Арон Атабек 2006 жылы Алматыдағы Шаңырақ ықшамауданындағы тәртіп сақшысының өлімі мен жаппай тәртіпсіздіктер үшін 18 жылға сотталған еді.
Талқылау