Арапбаева қалай арықтайтынын көрсетемін деп жұртты шошытты

Өзіндік тыңдармандары бар әнші Маржан Арапбаева қалай арықтайтынын көрсетемін деп желі қолданушыларын шошытып алды.

Фото: instagram.com/arapbayevamarzhan/

Бұл туралы Stan.kz хабарлайды.

Әнші бұл көріністің көзге жақпайтынын өзі де мойындайды. “Жағдайым осындай болып тұр, сіздерден қорықпауларыңызды сұраймын. Архимед заңына сәйкес, дәмді түскі астан кейін міндетті түрде арықтауымыз керек. Бұлай айтқаным жөн болмас. Дұрысы – құрғатылу! “Прессотерапия” деп аталатын бұл аппарат денедегі артық майлардан арылуға көмектеседі әрі денсаулыққа ешқандай да кері әсерін тигізбейді!” – деп аталған процедураның ешқандай да жарнама еместігін, оны бес күн қатарынан жасап жатқанын айтты.

Мұндай процедура бір сағатының нәтижесі фитнес залдағы жаттығудың 2-3 сағатымен пара-пар екен.

“Денедегі артық сүйықтық кетіп, белім айқындала бастады, теріме де пайдасы зор. Әрине, мұнымен қатар, спортпен де айналысу керек, достар. Бір сөзбен айтқанда, барлығының өзара байланысы бар”, – деп әнші аталған процедураны жасауға көмектескен мамандарға алғыс айтты.

Естеріңізге сала кетсек, Маржан Арапбаеваның әлеуметтік желіде бояусыз суретін жариялап, ол үшін еш ұялмайтынын айтқаны туралы хабарлағанбыз.