Алтын мен күміс бағасы рекордты деңгейде қымбаттады
Фото: freepik.com
19 қаңтарда алтын мен күмістің спот бағалары рекордтық деңгейге дейін өсті. Бұған себеп АҚШ президенті Дональд Трамптың әлемдік нарықтарда жаңа салық ниетіне байланысты болып отыр. Бұл туралы Stan.kz ақпарат агенттігі хабарлайды.
Алдыңғы сауда күнімен салыстырғанда, Астана уақытымен сағат 13:23-тегі жағдай бойынша алтынның бағасы 1,7% өсіп, 4,67 долларға жетті. Сауда барысында абсолюттік рекорд тіркеліп, баға 4,68 долларға дейін көтерілді. АҚШ-тағы ақпан айына арналған фьючерстердің құны да 4,67 доллар болды.
Қазақстанда алтынның бір граммының бағасы алдыңғы күнмен салыстырғанда 0,15% өсіп, 75,9 мың теңгеге жетті. Бұл туралы Ұлттық банктің деректерінде көрсетілген.
Тарихи рекорд 15 қаңтарда тіркелген. Ол күні алтынның бағасы Қазақстанда бір грамм үшін 76 мың теңгеге жеткен. Ал әлемдік нарықтарда сол күні спот алтын унциясы 4,6 долларға сатылған.
Күмістің спот бағасы да 4% күрт өсіп, тарихи ең жоғары деңгейге – унциясы 94,08 долларға жетті.
Басылымның хабарлауынша, алтын мен күмістің қымбаттауы АҚШ президенті Дональд Трамптың Дания, Норвегия, Швеция, Франция, Германия, Ұлыбритания, Нидерланд пен Финляндиядан әкелінетін тауарларға қосымша баж салығын енгізу ниетіне нарықтардың реакциясымен байланысты. 1 маусымнан бастап бұл елдерден келетін тауарларға тарифтер қазіргі 15%-дан 25%-ға дейін өседі. Трамптың айтуынша, жоғары тарифтер Гренландияны сатып алу туралы келісімге қол жеткізілгенге дейін күшінде болады.
Сарапшылар бұл жағдайды жаһандық тәуекелдердің артуымен байланыстырады.
"Геосаяси жағдайдың ушығуы алтын бағасының өсуіне тағы бір түрткі болды. Трамптың Гренландияға қатысты мәлімдемелері жай сөз емес, бұл Еуропадағы саяси тұрақтылыққа қауіп төндіруі мүмкін", – деді StoneX компаниясының аға сарапшысы Мэтт Симпсон.
Ал OCBC сарапшысы Кристофер Вонг күмістің қымбаттауын металдың физикалық тапшылығы мен тұрақты өнеркәсіптік сұраныспен байланыстырады. Сонымен бірге ол қысқа мерзімді перспективада баға түзетілуі мүмкін екенін ескертті.
J.P. Morgan сарапшылары болса, қазіргі дағдарыс жағдайында алтынды "құрылымдық тұрғыдан анағұрлым тұрақты" актив деп бағалап, оған басымдық беріп отыр.
Трамптың тарифтік қауіптері аясында АҚШ-тың қор нарығындағы фьючерстер мен доллар бағамы төмендеді. Ал жапон иенасы мен швейцар франкіне деген сұраныс айтарлықтай артты.
Еске салсақ, 2025 жылы Қазақстан алтын сатып алудан әлемде екінші орынға шыққаны туралы хабарлаған едік.
Жаңа үйленсе де өзге қыздарға жазады: Қазақстандық психолог неліктен ерлердің опасыздыққа баратынын айтты
