Алматылықтар өзеннен жаңа туған нәрестенің денесін тауып алды
Жаңа туған нәрестенің денесін Алматы қаласының Түрксіб ауданының тұрғындары тапты, деп хабарлайды Stan.kz ақпарат агенттігі Tengrinews.kz порталына сілтеме жасап.
Оқиға кеше түнде Словакия көшесінде болған.
"Кеше түнде біздің көшеде жаңа туған нәрестенің денесі табылды. Анасы әлі табылған жоқ. Оқиға сағат 22:30 шамасында болды", - деген жергілікті тұрғын.
Оның айтуынша, мерзіміне жетіп туылған бала өзеннен табылған.
"Бұл жағдай кеше түнде болды. Учаскелік полиция мені шақырып алды, біз түнгі үшке дейін көшеде болдық. Таңертең полицейлер ауданды аралай бастады. Бірақ әзірге бәрі нәтижесіз, анасын таба алмай жатыр. Оны көлікпен өзенге әкелген болуы мүмкін", - деді әйел.
Алматы полициясы өзен арнасында жаңа туған баланың денесін табу фактісі бойынша сотқа дейінгі тергеу жүргізіліп жатқанын хабарлады. Тиісті сараптамалар тағайындалды.
Оқиғаның мән-жайы анықталады.
25 мың теңгелік автотұрақ: Көк Төбеде туристер есебінен кім табыс тауып отыр?
Парктің әкімшілік басшысы Фархат Уәлиев парк жұмысына қатысты сын негізсіз екенін айтады
"Жоғары жалақы, тегін үй мен тамақ, соңғы үлгідегі MacBook": Италиядағы халықаралық мектепте сабақ беретін қазақстандық ұстаздық жұмысы жайлы айтты
Нұржігіт: "Ата-аналар чаты жоқ, олар ұстазбен сөйлескісі келсе, арнайы қабылдауына жазылады"