Алматылықтар қатерлі ісікпен жиі ауыра бастаған – Денсаулық сақтау министрлігі

Алматыда онкологиялық аурулардың көрсеткіші артқан. Мұндай мәліметті үкімет кулуарында денсаулық сақтау министрлігінің штаттан тыс бас онкологы Диляра Қайдарова айтты. Оның мәліметінше, аурушаңдық ең жоғары аймақтар: Солтүстік Қазақстан, Шығыс Қазақстан және Павлодар облыстары. Мұнда ең көп өнеркәсіптік кәсіпорындар және ең төмен халық тығыздығы бар. Бұл жөнінде Stan.kz ақпарат агенттігі хабарлайды.

"Иә, қоршаған орта факторларына байланысты. Мысалы, Солтүстік Қазақстанда халық саны тұрақты және орта жасы үлкен. Аурудың өсуі 50 жастан кейін басталады. Шығыс Қазақстанда бұл Өскемен мен Семей қалалары. Бірақ ол жерде көптеген кәсіпорындар бар. Абай ауданында полигон болды, ядролық қаруды сынау кезінде пайда болған тұқым қуалайтын аурулар бар. Ал Алматы, урбанизацияға байланысты. Бұл қала қазір қатерлі ісік ауруы бойынша бесінші орында тұр", - дейді Қайдарова.

• Алматыда қатерлі ісігі бар 19 жастағы жігіт інісін асырау үшін жұмыс істеп жүр


• Алматы облысындағы коттедж қалашығында топырақ көшкіні жүрді

Сондай-ақ оның мәліметінше, Қазақстанда жыл сайын 600-ге жуық бала қатерлі ісікке шалдығады. Көбінесе ауруды ерте кезеңде анықтауға болады.

"Көрсеткіш тұрақты болып қалады. Балаларда ересектердегідей өсу байқалмайды. Онкологиялық ауру көбінесе өмірдің бірінші жылында анықталады және біз уақтылы емдеуді бастаймыз. Лейкоз, қан, ми, жұлын, сүйек және бүйрек аурулары сияқты аурулар", - деп қосқан онколог.