Алматыдағы Назарбаевтың резиденциясының астындағы жаңа саябақта бункер табылмады
Фото: Алматы әкімдігі
Алматыда өртенген президент резиденциясының орнына саябақ ашылды. Журналистер Нұрсұлтан Назарбаевтың бұрынғы үйінің астында жер асты бункерінің бар-жоғын зерттеді. Бұл туралы Stan.kz ақпарат агенттігі хабарлайды.
Журналист жаңа саябақта есігі ашық бөлмені байқаған. Баспалдақ қараңғы бөлмелерге апарыпты. Дегенмен онда бункер болмапты.
Соған қарамастан бұрынғы резиденцияның кейбір бөліктері қиыршық тас түрінде табылды. Келушілер бұл аймақта балаларға арналған ойын алаңдарының жоғын атап өтеді. Сондай-ақ дәретхана әлі жұмыс істемейді.
Фото: Алматы әкімдігі
Саябақ Назарбаев даңғылының батысында және Ганди көшесінің солтүстігінде орналасқан. Ол Бірінші Президент қоры саябағымен шектеседі және 4,16 гектар аумақты алып жатыр. Дегенмен қазір көршілес жасыл кеңістіктерге кіруге тыйым салынған.
Жаңа қоғамдық кеңістіктің орталық бөлігі – тоған, онда қыста коньки тебуге болады. Ол 25 қазан Республика күні ашылды.
2017 жылы алаңның бір бөлігінде кинотеатр мен концерт кешені жоспарланған, бірақ жоба жүзеге аспады. Бұрын бұл аймақ қарапайым алматылықтар үшін жабық болған, онда бұрынғы президент резиденциясы орналасқан.
ТЭЦ-тің газға ауысуы Алматыдағы лас ауа проблемасын шеше ала ма: Сарапшылар мегаполистегі қалың тұмша неден түзілетінін талдап берді
