Алматыда зейнеткерді жылатып, айыппұл салған полицейлер желі қолданушыларының ашуын тудырды
Алматыда зейнеткерге дөрекелік танытып, айыппұл салған полиция қызметкерлерінің әрекеті желі қолданушыларының наразылығын тудырды. Желіде тараған видеода зейнеткердің әкімшілік құқық бұзушылық үшін тұтқындалғаны айтылған. Бұл туралы Stan.kz ақпарат агенттігі хабарлайды.
Видео авторының айтуынша, зейнеткер бір жарым келі ашытылған қырыққабат сатқаны үшін әкімшілік жауапкершілікке тартылған.
Зейнеткер қаржылық қиындықтарға байланысты сауда жасауға мәжбүр болғанын, үй жануарларын тамақтандыру үшін ақша табуға тырысқанын айтады. Қарияның зейнетақысы небәрі 75 000 теңге екен.
"Учаскелік инспектор әйелді полиция бөлімшесіне жеткізіп, оған қайталанған құқық бұзушылық үшін деп 21 000 теңге көлемінде айыппұл салған. Алайда әйелдің жанында сауда жасап тұрған басқа адамдарға ешқандай шара қолданылмаған", – делінген видеоның жазбасында.
Сондай-ақ видеодан полиция қызметкерінің көлік рөлінде телефонмен сөйлескенін, қауіпсіздік белдігін тақпағанын және әйелге дөрекі, орынсыз сөздер айтқанын көруге болады.
Желіде тараған ақпаратқа қатысты Алматы қалалық полиция департаменті мәлімдеме жасады.
“Аталған дерек бойынша қызметтік тексеріс жүргізіледі, нәтижесіне сәйкес тиісті шаралар қабылданады”, – делінген полиция хабарламасында.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды