Алматыда тағы да барахолка өртенді

Алматыдағы барахолкада тағы да өрт шықты. Бұл жолы "Қазына" базары отқа оранды, деп хабарлайды Stan.kz ақпарат агенттігі. 

Құтқарушылардың сөзінше, өрттің аумағы 120 шаршы метрді құраған. 
12 сағат:14 минутта басталған өртке 6 минутта ТЖД күштері мен құралдары жеткен. Санаулы минуттардың ішінде бірнеше екіқабатты контейнер жанып үлгерген.

Өрттің жақын маңында орналасқан контейнерлерге көшу қаупі туған. Барлау барысында ауданның сумен аз қамтылғаны хабарланып, өрт сөндіру автоцистерналарымен су жеткізу жұмыстары  дереу ұйымдастырылды. Осылайша суды үздіксіз беру қамтамасыз етілді.

Оқиға орнында жедел штаб, 2 жауынгерлік учаскі құрылды. 40 адам және 14 бірлік техника жұмылдырылды.

• Қазақстанда той өткізуге рұқсат етілді

• ​​​​​​​Қазақстанда жұма намазын мешіт ішінде оқуға рұқсат етілді

ЖП күшімен жолды қоршау қамтамасыз етілді. Қабылданған шаралармен 18 минут ішінде өрт оқшауланды, сағат 12:38-де контейнерлерге өрттің  өту қаупі жойылды. 12:47-де ауыздықталды.