Алматыда сатып алу ұсынылмайтын тұрғын үйлер тізімі жаңартылды
Алматыда пәтер сатып алу ұсынылмайтын тұрғын үй кешендерінің тізімі жаңартылды. Бұл туралы Stan.kz ақпарат агенттігі хабарлайды.
Фото: Stan.kz
Алматы қаласының қала құрылысын бақылау басқармасының мәліметінше, қазір бұл тізімде 36 тұрғын үй кешені бар. Тізім құрылысқа рұқсат құжаттарының толық пакеті жоқ, сондай-ақ жобадан ауытқу және басқа да бұзушылықтармен салынып жатқан бірқатар тұрғын үй кешендерімен толықты.
Тізімге құрылысы әлі басталмаған рұқсат құжаттары жоқ нысандар енгізілген. Ведомствоның мәліметінше, мұндай тұрғын үй кешендері бойынша ұсыныстар интернет-ресурстарға мониторинг жүргізу нәтижесінде анықталған.
Фото: gov.kz
"Жылжымайтын мүлікті сатып алмас бұрын, Алматы қаласының құрылысын бақылау департаментінің WhatsApp желісіндегі +7 705 896 60 00 анықтамалық арнасы арқылы тұрғын үй кешенінің құжаттарының толық пакеті бар екеніне көз жеткізуді ұсынамыз", – делінген хабарламада.
Айта кетейік, бұған дейін 2024 жыл басында Алматыда сатып алу ұсынылмайтын тұрғын үйлер тізімі ұсынылған еді.