Алматыда кооператив төрағасы үйлер жанындағы жер учаскесін 300 млн теңгеге сатып жіберген

Фото:Алматы әкімдігі

"Әлеуметтік шиеленіс ошақтарын жою" жобасы аясында қала прокуратурасы Ақсай-1А шағынауданының тұрғындарының "Школьник" тұрғын үй кооперативінің әрекеттеріне қатысты шағымдары бойынша кешенді шаралар қабылдады. Бұл туралы Stan.kz ақпарат агенттігі хабарлайды. 

Алматы қаласы прокуратурасының хабарлауынша, 2014 жылы кооператив төрағасы үйлер жанындағы 1,7 гектар жер учаскесін заңсыз бөліп, оның бірнеше бөлігін үлестес тұлғаларға сатқаны анықталды. Заңсыз сатылған учаскілердің құны 300 млн теңгеден асады.

талған мән-жай бойынша аса ірі мөлшердегі алаяқтық фактісі туралы қылмыстық іс тіркелді, жер қолданысына шектеу қойылды, кооператив қызметіне аудит жүргізілуде.

Сонымен қатар, басқа да бұзушылықтар анықталды. Заңсыз жертөле жатақханалары, антисанитария, коммуналдық желілерге өз бетінше қосылу болған.

Мемлекеттік органдармен бірлесіп:

- 10 жатақхананың қызметі тоқтатылды;
- сумен жабдықтау және электрмен жабдықтау желілеріне заңсыз қосылуды тоқтата отырып, 14 нұсқама енгізілді;
- есепке алу аспаптары сәйкес келтірілді.
Қабылданған шаралар қылмыстың санын 50%, қоғамдық тәртіпке қарсы әкімшілік құқық бұзушылықтар санын 70% төмендетуге мүмкіндік берді.

Осылайша, шағынауданның 15 мың тұрғынының құқықтары қорғалды. Тұрғындар әділдікті қалпына келтіргені үшін алғыстарын білдіріп келді.

Жобаның іске асырылуы бүкіл қала бойынша жалғасады.