Алматыда 85 жастағы талапкер ҰБТ тапсыруға келді (видео)
Фото: Instagram.com/testcenterkz
Алматы қаласында өткен тамыз айындағы ҰБТ-ға ерекше қатысушы келді. 85 жастағы Нұрихан апа жастық шағынан бері қол жетпеген арманын орындап, университетке түсу үшін ҰБТ тапсырып көруді ұйғарған. Бұл туралы Stan.kz ақпарат агенттігі хабарлайды.
Ұлттық тестілеу орталығы таратқан мәлімет бойынша, Нұрихан апа бар ғұмырын бала тәрбиесіне арнап, жоғары білім ала алмаған. Биыл ақ жаулықты ана оқуға түсу үшін тест тапсырып көруге бел буыпты. Жақындарының қолдауымен ол ҰБТ-ға тіркеліп, көптен күткен сәтке жетті.
"Тестілеу күні балалары демеуші болып жанынан табылды. Емтихан басталар алдында Нұрихан апа талапкерлерге ақ батасын беріп, "Оқу мен білімге ұмтылу – ешқашан кеш емес" екенін жүрекжарды тілегімен жеткізді. Бұл жолы компьютермен жұмыс істеу дағдысының жоқтығы тест тапсыруға кедергі болды", – делінген тестілеу орталығы хабарламасында.
Дегенмен Нұрихан апа компьютерді үйреніп, келесі жылы қайта келуге ниетті екенін айтты.
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық