Соңғы жаңалықтар
Соңғы жаңалықтар

Алматы полициясы "ВИЧ" індетін жұқтырғандардың тізімін таратқандарды іздеп жатыр

Алматы полициясы АИТВ диагнозымен ауыратын адамдардың тізімінің таралуы туралы ақпаратты тексеріп жатыр. Әлеуметтік желіде қаладағы медициналық колледжінің студенттерінің бірі осы тізімді таратқаны айтылған. Бұл туралы Stan.kz ақпарат агенттігі хабарлайды.

Фото: fitness-body.ru 

Алматы полиция департаментінің ресми өкілі Салтанат Әзірбектің айтуынша, бұл факт бойынша тексеру жүргізіліп жатыр. 

"Ақпараттың дұрыстығы мен объективтілігі анықталып, Қазақстан Республикасының заңнамасына сәйкес шаралар қабылданады", – деді полиция.

Telegram-арнасы Qumash-тың хабарлауынша, қаланың медициналық колледждерінің бірінің студенттері өздерінің практика кезінде зертханадан АИТВ диагнозымен ауыратын адамдардың тізімін алып, кейін оны әлеуметтік желілерде таратып жіберген. Колледж бен клиниканың атауы әзірге айтылмады.



Еске салайық, бұған дейін Қызылордада босанған әйелге 12 донордан қан құйылғаннан кейін бір ай өткен соң оған “ВИЧ” диагнозы қойылғаны туралы ақпарат тарады. Бұл жағдай Денсаулық сақтау министрлігіне жолданған, алайда ешқандай шара қолданылмағаны айтылды. Дәрігерлерге тергеу жүргізудің орнына ақпаратты жарияламау туралы ескерту жасалған. Тіпті науқасқа ақша ұсынылған деген мәлімет бар.

Әйел 2024 жылдың 22 қыркүйегінде облыстық перинаталдық орталыққа жеткізіліп, 23 қыркүйекте табиғи жолмен босанған. Қан кету салдарынан екі рет ота жасалып, 16 қазан күні үйіне шығарылған. Кейінірек денсаулық сақтау министрлігі мен полиция қылмыстық іс қозғап, тергеу жүргізді. Министр Ақмарал Әлназарова тергеу нәтижелері бойынша шаралар қабылданатынын мәлімдеді.

Талқылау