Алматы облысында Ворошилов су қоймасы бөгетінің бұзылуына қатысты қылмыстық іс қозғалды
Алматы облысының прокурорлары Ворошилов су қоймасы бөгетін бұзу фактісі бойынша қылмыстық іс қозғады. Облыстық прокуратураның баспасөз қызметі осылай деп мәлімдеді. Бұл туралы Stan.kz ақпарат агенттігі хабарлайды.
Фото: кадрдан скриншот/instagram.com/almobl_akimat
“Алматы облысының прокуратурасы жүргізген талдау нәтижесі бойынша қылмыстық кодекстің 371-бабы (Немқұрайлылық) бойынша қылмыстық іс қозғалды, оны тергеу сыбайлас жемқорлыққа қарсы іс-қимыл агенттігінің Алматы облысы бойынша департаментіне тапсырылды”, – делінген жұма күнгі хабарламада.
30 наурызда Алматы облысында Ворошилов су қоймасының бөгеті бұзылды.
Салдарынан Жармұханбет өзенінің арнасы бойындағы екі көлдің тостағандары толып, 12 мыңнан астам адам тұратын 2 елдімекенді су басу қаупі төнді, олардың бір бөлігі шұғыл эвакуацияланды”, – деп атап өтті бақлаушы орган.
Ашылған штаб, уәкілетті органдар мен еріктілер күш жұмылдырып, апаттың алдын алды.
“2017 жылы Алматы облысының қаржы басқармасы сенімгерлік басқару шарт негізінде су қоймасын "Л. Петрова" жеке кәсіпкерлігіне берді, соңғы иесі – Алматы облысының Ауылшаруашылығы басқармасының "Ілеиррегация" СШ МКК”, – деп нақтылады прокуратура.
Айта кетейік, Алматы облысының Байкент ауылында Ворошилов су қоймасының бөгетінің бір бөлігінің шеті жырылды.
Ащылысай тоғанындағы су деңгейінің көтерілуіне және ауылды су басу қаупіне байланысты Қараой Байсерке – Междуречинск жолын 23 шақырымнан (Алматы) 42 шақырымға дейін жабылып, көліктің барлық түрі үшін қозғалыс шектелген еді.