Алматы облысында таэквондо бапкері 14 жастағы оқушыны зорлап, тағы екеуіне қорлық көрсеткен
Алматы облысында 14 жастағы оқушыны зорлап, тағы екеуін қорлаған таэквондо бапкері Диас Шалғымбаев сотталды, деп хабарлайды Stan.kz ақпарат агенттігі.
Бұл туралы желідегі парақшасында “Немолчи” қорының жетекішісі Дина Таңсәрі мәлім етті.
Үш баланың әкесі таэквондоға қатысқан қыздардың біреуін зорлап, қалған екеуіне қорлық көрсеткен. Ол сот шешімі бойынша жеті жыл алты айға бас бостандығынан айырылды.
“Қыздарға қорлық көрсеткен бапкер Қазақстан Республикасы Қылмыстық кодексінің 122-бабы бойынша 7 жыл 6 айға бас бостандығынан айыру жазасына кесілді. Үш ата-ана арыз бергеніне қарамастан, жалғыз оқушымен жыныстық қатынасқа түскен деген шешім шығарылды. Осы уақыт бойы ол бостандықта болды. Сот үкімі шыққан күні сот залында қолына кісен салынды. Үкімге наразы бапкер әлі де аппеляцияға бермек”, – деп жазды Дина Таңсәрі.
Қазақстанның заңына ату жазасын қайта енгізу керек. Қыз зорлаған ардан безендірді неге өмір бойы бас бостандық тан айыру керек. Қатаң режимдегі калонияда отыру керек ондайлар.
Ұятсыз оңбағыр қалай өз шәкіртіне қол жұмсап, зорлық көрсетеді. Біздің елде бундайлар көбейіп кетті. Педофилдерді де буларды да ату жазасына кесу дұрыс еді. 2- жылдан соң аппеляциямен шығады да кайта сол тірлігін жалғастырмайтынына кім кепіл.