Алматы облысында сібір жарасын жұқтырғандар саны 11 адамға жетті
Алматы облысының Ұйғыр ауданында сібір жарасының 11 жағдайы тіркелді. Бұл туралы Stan.kz ақпарат агенттігі хабарлайды.
Фото: Pixabay.com
9 қыркүйектегі жағдай бойынша сібір жарасы күдігімен 16 адам ауруханаға жатқызылды. Оның 11-інде диагноз расталды.
“Төртеуінің нәтижесі теріс, тағы бір науқастың анализі нақтыланып жатыр. Науқастардың барлығына қажет ем қабылданып жатыр. Олардың жағдайы тұрақты", – делінген әкімдіктің хабарламасында.
Үлкен Ақсу ауылында карантин енгізілді. Әкімдік эпидемиологиялық ошақты оқшаулап, инфекцияның таралуына жол бермеу үшін барлық шара қабылданғанын айтып отыр.
Облыстық денсаулық сақтау басқармасы да "ауру ушығып жатқан жоқ, жағдай бақылауда" деп атап өтті.
Еске салсақ, бұған дейін Алматы облысында сібір жарасын жұқтырды деген күдікпен 4 адам ауруханаға жеткізілгені айтылды.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі