Алматы метросының 7 станциясында ұялы байланыс іске қосылады
Алматы метросының жеті станциясында ұялы байланыс пайда болады және ол таяуда іске қосылмақ. Бұл туралы Stan.kz ақпарат агенттігі хабарлайды.
Фото: Алматы әкімдігі
Алматы метрополитенінің баспасөз қызметінің дерегіне сенсек, байланыс "Райымбек", "Жібек Жолы", "Алмалы", "Абай", "Байқоңыр", "Мұхтар Әуезов атындағы театр" және "Алатау" станцияларының платформаларында қолжетімді. Жақын арада желіге қосылу қалған төрт станцияда да пайда болады.
Қазір қызметтерді тек бір оператор ұсынады. Дегенмен метрополитен әкімшілігі басқа да компанияларды тартуды жоспарлап отыр. Сонымен бірге метро вагондарында интернет пен ұялы байланыс қосу жоспарланып отыр.
Байланыс сапасына қатысты сұрақтар бойынша метрополитен ұялы байланыс операторына жүгінуді ұсынады.
Еске салайық, бұған дейін Алматыда метроның "Абай" станциясында көзі нашар көретін 26 жастағы жігіт рельске құлап, көз жұмғанын жаздық. Оқиғаның видеосы әлеуметтік желіде тарап, куәгерлер оны құтқаруға тырысқаны байқалды. Полиция мен жедел жәрдем дереу жеткенімен, азаматты аман алып қалу мүмкін болмады. Оқиғаға байланысты тергеу жұмыстары жүріп жатыр. "Абай" станциясы уақытша жабылып, пойыздар ол бекетке тоқтамайды. Метроның басқа станциялары қалыпты режимде жұмыс істеп жатыр.