Алматы қаласына жаңа әкім тағайындалмақ
24 мамыр күні Алматы қалалық мәслихатының депуаттары қала әкімін тағайындауға келісім беру үшін жиналады. Бұл туралы Stan.kz ақпарат агенттігі хабарлайды.
Бұл туралы ақпарат қалалық мәслихаттың ресми сайтында жарияланды.
“Алматы қаласының әкімін тағайындауға келісім беру үшін Алматы қаласының мәслихаты 2025 жылдың 24 мамыр күні сағат 12:00-де VIII сайланымдағы Алматы қаласы мәслихат депутаттарының жиналысы өтетіндігін хабарлайды”, – делінген хабарламада.
Президенттің 2022 жылдың 8 маусымдағы жарлығына сәйкес, облыс, республикалық маңызы бар қала және астана әкімдерін лауазымға тағайындау үшін облыс аумағында орналасқан мәслихаттар немесе республикалық маңызы бар қалалар және астана мәслихаттары депутаттары келісім беруі тиіс.
Айта кетейік, 2022 жылдың 31 қаңтарынан бері Алматы қаласының әкімі лауазымын Ерболат Досаев атқарып келеді.
Алматы облысында кәсіпкер қараусыз қалған ғимаратты қалпына келтірген, алайда әкімдік оны тартып алған
Кәсіпкер: "Ақша, денсаулық пен 5 жыл уақытымды сарп еттім"
"Оқушылар аттестатпен қатар, кәсіп алып шығады": Қазақстандық жігіт Таиландтағы мемлекеттік мектепте ағылшын тілінен сабақ береді
Рахат: "Таиланда дүниеге келіп, Қазақстанда болып көрмеген қыздарым менімен қазақша сөйлеседі"