Алматыда бүлік кезінде көз жұмған ҰҚК курсантының денесі туған жеріне жеткізілді
Алматыдағы теракт кезінде қаза тапқан ҰҚК Шекара академиясының курсанты Мейірхан Бітімнің денесі 9 қаңтарда Ақтауға жеткізілді. Марқұмды жерлеу рәсімі 10 қаңтарда өтеді – деп хабарлайды Stan.kz ақпарат агенттігі.
Облыс әкімі Нұрлан Ноғаев марқұмның туыстары мен жақындарына көңіл айтты. Оның жарқын бейнесі маңғыстаулықтардың мәңгі есінде қалатынын жеткізді.
"Мейірхан Ержанұлы Отан үшін жанын қиды. Ол террористер қолынан қаза тапты. Бар болғаны 19-да еді. Бұл қайғылы хабар бәріміздің көңілімізге қаяу салды. Мәңгі есімізде қалады. Ата-анасы мен жақындарына сабыр берсін", – деді облыс әкімі.
Мейірхан Бітім – Ақтаудағы №11 мамандандырылған физика-математика бағытындағы гимназия түлегі. Алматыдағы ҰКҚ Шекара академиясында 2-курста оқыған. Марқұмның жерлеу рәсімі 10 қаңтарда өтеді.
Талқылау
Данна Қарағұсова кім: Ол ғарышқа ұшу үшін қанша төлейді
1 қазанда Blue Origin NS-36 миссиясымен ғарышқа ұшатын экипаждың құрамын жариялады. Онда қазақстандық Данна Қарағұсова да бар
"15 түрлісін іштім": Қазақстандық әйел нутрициологтың берген БАД-ынан кейін өлім аузынан қалған
Тоғжан: "85 мың теңгеге анализ тапсырдым"