Алматы әкімінің бұрынғы орынбасары мас күйінде көлік айдағаны үшін қамауға алынды
Алматы әкімінің бұрынғы орынбасары Ержан Бабақұмаров мас күйінде көлік құралын басқарғаны үшін 15 тәулікке қамауға алынды. Бұл туралы Stan.kz ақпарат агенттігі хабарлайды.
Фото: gov.kz
Жоғарғы соттың мәліметінше, Ержан Бабақұмаровтың көлігі 29 қаңтарда Астанадағы Төлебаев көшесінде сағат 03:15 шамасында тоқтатылған. Іс материалдарында оның Toyota Land Crusier Prado көлігін мас күйінде басқарғаны көрсетілген.
Нәтижесінде сот оны 15 тәулікке әкімшілік қамауға алу және 7 жылға көлік жүргізу құқығынан айыру туралы шешім шығарды.
Ержан Бабақұмаров 2019 жылдан 2022 жылға дейін Алматы қаласы әкімінің орынбасары болды. Ал 2022 жылдан бастап президент жанындағы "Орталық коммуникациялар қызметін" басқарды.
Сот кабинетіндегі құжаттарда Бабақұмаровтың қазір жұмыссыз екені айтылған.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"