Алматы әкімдігі метро құрылысына 68 жер сатып алмақ

Алматы әкімдігі метрополитен құрылысына 24 жер сатып алып, тағы 68 жер сатып алмақ деп хабарлайды Stan.kz ақпарат агенттігі "Крыша" сайтына сүйене отырып. 

Қазір әкімдік жер иелерімен келіссөз жүргізіп жатыр.

Сатып алынатын жерлер метроның үшінші желісін салуға кетеді. Қаулыға қарағанда бұл желі Абай-Яссауи қиылысынан басталып, “Барлық” базарына дейін жетпек. 

Жерлер 2025 жылғы 4 сәуірге дейін сатып алынады. 

Бұрын қаланың әкімдігі “Қалқаман” жаңа метро бекеті мен көшелер, даңғылардар салу үшін 2023 жылға дейін жерлер сатып алатыны хабарланған еді.