"Бұл шынымен де барлығы бар сирек қалалардың бірі – керемет тағамдар, жанды түнгі өмір, тез дамып келе жатқан мәдени және өнер сахнасы, сондай-ақ Тянь-Шань тауларының етегіндегі орналасуының арқасында әлемдегі ең керемет пейзаждарға оңай қол жетімділік", – делінген материалда.

Мақала авторының пікірінше, Алматы метросының станциялары нағыз өнер туындысы. Автор Карла Крипс метро станцияларының 20 мыңнан астам өнер туындысы орналасқан Қастеев атындағы мемлекеттік өнер мұражайы секілді әлемдік деңгейдегі мұражайларды толықтырып тұрғанын айтады.

Карла Крипс туристерге Алматыда "нео-көшпелі тағамдардан" дәм татуға кеңес береді. Сондай-ақ автор Алматыға Еуропадан, Азиядан және Таяу Шығыстан тікелей рейстер арқылы оңай жетуге болатынын атап өтеді.

CNN Travel қалалар мен елдер тізіміне Алматымен қатар: Үндістандағы Андаман және Никобар аралдары, Бекиа (Сент-Винсент және Гренадиндер), Хемниц (Германия), Эсватини және Мпумаланга провинциясы (Оңтүстік Африка), Гданьск (Польша), Гилгит-Балтистан ( Пәкістан), Какар таулары (Түркия), Кансай (Жапония), Мендоза (Аргентина), Нэшвилл (АҚШ), Нуук (Гренландия), Озаркс (АҚШ), Рабат (Марокко), Сан-Франциско де Кампече (Мексика), Стокгольм (Швеция), Таупо (Жаңа Зеландия), Ванкувер (Канада) кірген.

Талқылау