Күні кеше барша қазақстандық жұлдыздар халықты Білім күнімен құттықтап, өздерінің қуанышын бөліскен-ді. Қарақат Әбілдина, Сая Оразғалиева, Лидо, Алтынай Жорабаева сынды жұлдыздардың балалары алғаш рет мектеп табалдырығын аттады. Мұнымен қатар, әнші қауымы Кәрім Мәсімовтың эстафетасын жалғастырып, өздерінің ұстаздарын құттықтады. Эстафета барасында белсенділік танытқан жұлдыздар қатарында Алмас Кішкенбаев та бар. Ол өзінің алғашқы ұстазын шын жүректен құттықтап, мектеп кезіндегі лақап аты туралы айтып берді. Оны ұстаздары “Кнопка” деп атаған екен.

“Бұл менің алғашқы мектеп қабырғасында жүргенде түскен суретім. Бүгін Кәрім Мәсімовті қолдап өзімнің алғашқы ұстазымды құттықтайын деген оймен салып отырмын. Қызылорда қаласында 212 мектеп мұғалімі Кентай апайым алғаш маған әліппені үйреткен. 2 сыныпта 26-шы мамандандырылған мектеп интернатына ауысып, ол жерде бастауыш сыныптарда тәлім берген менің Мәнді апайым. Жоғарғы сыныптарда білім берген барша ұстаздарымды және сынып жетекшім Жәмиля апайымды құттықтаймын! Барша мұғалімдерді, мектеп қабырғасын енді аттағалы отырған оқушыларды мерекемен Құттықтаймын! Мені мектепте мұғалімдер “Кнопка” дейтін. Суреттен кнопканы көріп тұрсыздар ма?” – дейді Алмас Кішкенбаев.

Желі қолданушылары әншінің сұрағынан бұрын, оның өзіне назар аударды. Қыз қауымы оның сүйкімділігіне тамсана қарады. Мұнымен қатар, бала күнінде анасына отбасын асырауға көмектескенін тілге тиек етті. “Мектебіміздің мақтанышы, мамаңыздың нан табары едіңіз”, “1985 жылғылар 1 сыныпқа осындай көйлек киіп барған-ау шамасы”, “Қандай сүйкімді едің өзің?”, “Рахмет, Алмас аға! Арықтап, сахнаға тезірек шығыңызшы!” дейді желі қолданушылары.

Жіберіп алмаңыз:

Алмас Кішкенбаев қызының 2 жасынан боянып, 3 тілде сөйлейтінін айтып мақтанды

Алмас Кішкенбаев өзінің әйел кейпіндегі суретіне қатысты пікірін білдірді

Тыңдармандары Алмас Кішкенбаев қыздарының ұқсастығына қайран қалды

Белгісіз біреулер Алмас Кішкенбаевты мазақ етті (фото)

Талқылау