Әлемдегі ең әдепсіз ел белгілі болды
Халықаралық сауалнама нәтижесінде Австрия әлемдегі ең әдепсіз ел деп танылды. Бұл туралы Stan.kz ақпарат агенттігі Time Out басылымына сілтеме жасап хабарлайды.
Жапония әлемдегі ең әдепті елдердің рейтингінде бірінші орынға шықты. Бұл туралы жазды.
Remitly қаржы компаниясы жүргізген сауалнамаға 26 елден 4697 адам қатысты. Қатысушылардан қай елдің тұрғындары ең мейірімді екенін атау сұралған. Елдер жиналған дауыс үлесіне қарай реттелді. Бұл зерттеуге Ресей тұрғындары қатыспаған.
Респонденттердің 35,15 пайызы Жапонияны таңдаған. Екінші орында Канада (13,35%), үшінші орында Ұлыбритания (6,23%). Алғашқы ондыққа Қытай, Германия, Филиппин, Швеция, Дания, Финляндия және Оңтүстік Африка Республикасы енген.
Ал ең әдепсіз ел ретінде Австрия танылған. Ол тіпті 1 пайыз да дауыс жинай алмаған. Қатысушылардан өздерінің әдептілік деңгейін де 10 балдық шкала бойынша бағалау сұралған. Бұл көрсеткіш бойынша Бразилия мен Чили (9,46 балл) көш бастады. Ал жапондар өздерінің әдептілігіне төмен баға беріп, 8,73 балмен соңғы орындардың бірін иеленген. Ең әдепсізбіз деп санайтындар – Польша тұрғындары.
Бұған дейін Австралия, Бразилия және Грекия әлемдегі ең азғын елдер рейтингінде алғашқы орындарды иеленгені хабарланған. Бұл рейтингті World
Population Review ресурсы жариялаған. Алғашқы ондыққа сондай-ақ Чили, Жаңа Зеландия, Германия, Италия, Швейцария, Таиланд және Оңтүстік Африка Республикасы кірген.
ОқыңызЕске салайық, бұған дейін 2026 жылдың ең үздік қалаларының ресми рейтингі жарияланды. Time Out және Intrepid Travel жүргізген зерттеу нәтижесінде Ұлыбританияның екі қаласы әлемдегі ең үздік қалалардың алғашқы ондығына, тіпті алғашқы бестігіне енді. Рейтинг жергілікті тұрғындардың дауыс беруі негізінде жасалған. Биыл Time Out Best Cities рейтингі өзінің 10 жылдығын атап өтіп жатыр. Тізім әлемнің түкпір-түкпіріндегі 24 мыңнан астам қала тұрғынының пікірі мен Time Out сарапшыларының бағасына сүйеніп жасалған.
"Терезеге телміріп, жүруді армандадым": 10 жыл төсекке таңылған марафоншы ауруды қалай жеңгенін айтты
