Алаяқтар арзан несие береміз деп қазақстандықтарды алдап соғуда
Қазақстанда микрокредитті ұйымдарға алданған адам саны күн сайын артып барады.
Бұл туралы 31 арна хабарлайды.
Төмен пайызбен әрі тез арада несие береміз деп тақырға отырғызатын алаяқтар үйінде жатып-ақ ашқа табуда. Екібастұзда ерлі-зайыптылар осындай алаяқтардың құрығына түсіп қалған. Олар несиеге көлік алмақ болыпты.
«Ол маған телефон номерін берді. Біз WhatsApp арқылы сөйлесе бастадық. Бізге екі миллион керек деп жаздым. Өзгелер 200 мың, 15 мың, 25 мың сұраған», – дейді Екібастұз тұрғыны Кристина Шемберецкая.
«Ғаламтор арқылы алаяқ бар соманы алған соң, хабарлама жазып қазіргі уақытта ешкімге сенуге болмайтынын айтқан», – Павлодар облысының ІІД-ның баспасөз хатшысы Баян Мағзұмова.
«Жазбаша түрде келісім шарт жасалмаған. Тек төлем жасаған ақшасын ғана дәлелдей алады. Мұның алаяқтық екенін сотта дәлелдеу қиын болады», – дейді адвокат Шолпан Аязбаева.
Құқын қорғаушыар алаяқтардың құрығына түскендердің статистикада көрсетілгендерден де көп екеніне сенімді. Олар енді алданбау үшін өмірлік сабақ алды.
Тағы да оқыңыз:
Астанада үй-жайы жоқ қаңғыбас ұтып алған 100 мың теңгені алудан бас тартты
Атырауда еден жуушының еңбегіне құрмет көрсетпеген оқушыны ұрып тастады