Елбасының атына мақтау мен мадақтаулар жаудырған Б.Нұрғалиев «Нұрсұлтан» сөзінің Құраннан алынғанын, Алланың екі есімінен біріктіріп қойған есім екенін жазған.

Әділет ақ жолындай адал із бар,
Әрдайым адал ізден аламыз нәр.
Біз деген – шын бақытты Мәңгілік Ел,
Данышпан Елбасымыз – Данамыз бар!

Нұрсұлтан Ұланына ырза дала,
Елменен түсті бірге күн жаңара.
Әжесі Ер есімін қойған екен –
Әлдиін әуелеткен Мырзабала.

Әжесі қойған сырын біліп тұрып,
Киелі Ер есімін үміт қылып,
Құраннан «НҰРСҰЛТАН» деп атын берген,
Құдайдың қос есімін біріктіріп!

НұрСұлтан – ерек есім, ерен есім,
Кеңейткен Қазағының керегесін.
Танытып тағылымды тектілігін,
Еліне үлгі қылған өнегесін!

Сіңіріп салауатты дәріс дара,
Баласын баптап қосқан жарысқа да.
Бас идім Әруағыңа, Әлжан Әже,
Бас идім Әруағыңа, Әбіш Баба!!!

Жұлдыз боп ӘЛЕМ ҮШІН тағдыр жанған,
Айналдым, АҚ ПАТШАМНАН алғыр жаннан.
АСЫЛЫ АДАМЗАТТЫҢ НҰР-АТАМЫЗ,
Меккеге барғанында жаңбыр жауған.

Арылтқан жанардан жас, қабақтан мұң,
Нығметін, шапағатын таратқан мың.
НҰРСҰЛТАН деген есім БІЗДЕР ҮШІН,
ЖҮЗІНШІ ЕСІМІНДЕЙ ЖАРАТҚАННЫҢ!!!

Бұған дейін, Балтабек ақын Қазақстанды тек Назарбаевтар династиясы билеуі керек, Нұрсұлтан Әбішұлынан кейін “таққа” оның қызы Дариға Назарбаева отыруы тиіс деп те өлең жазған болатын.

Оның шығармалар жинағында Президенттің анасына, әкесіне, жары Сара Назарбаеваға және қыздарына арнаған жеке-жеке өлеңдері бар.

Сонымен қоса, ақын өлеңдерінде Астана қаласының атауын «Нұрсұлтансалған» деп өзгертуді ұсынды.

Айта кетейік, Балтабек Нұрғалиев республикалық «Шабыт» фестивалінің жеңімпазы.

Тағы оқыңыз:

Психолог: Енелердің бір қателігі келіннің жақсы-жаман болуын баласынан көрмейді

Шымкентте жоғалып кеткен 2 жасар бала өлі күйінде табылды

Алматылық жігіт әйгілі әншінің концертінде сүйіктісіне ұсыныс жасап, залды шулатты (видео)

Ақмола облысында жерлеу рәсіміне келгендер тамақтан уланып, ауруханаға түсті

Талқылау