Бұл жантүршігерлік оқиға өткен күзде болған. Отбасы Аман Жақаевты іздеу туралы арыз жазбақ болғанда, учаскелік инспектор олардың өтінішін қабылдаудың орнына, ер адамның әлдеқашан жерленгенін айтқан.

Мәліметтерге сенсек, Жақаев туыстарына хабар берілмей тұрып біраз уақыт бұрын қайтыс болған. Марқұмның қарындасының айтуынша, оның денесі екі жарым ай бойы мәйітханада жатқан. Ал отбасы оны іздеуге кіріспес бұрын бір апта бұрын Жақаевты белгісіз адамдар секілді жерлеген. Оның қабіріне тек сандар жазылған тақтайша ғана орнатылған.

Полиция қызметкерлері марқұмның екі танысымен бірге өзен жағасында ішімдік ішкенін және сол жерде суға батып кеткенін айтқан. Бірақ неге туыстарын іздемегенін түсіндіре алмаған. Бұған байланысты Жақаевтың анасы мен қарындасы полиция департаменті мен Қаржы министрлігінен моральдық өтемақы талап етіп жатыр. Алайда екі мекеме де өз кінәсін мойындамай отыр.

Құқық қорғау органының заңгері оқиғаға қатысы бар учаскелік инспектор мен жедел уәкілдің қызметінен босатылғанын мәлімдеді. Бірақ бұл жағдайға байланысты камера алдында түсініктеме беруден бас тартқан.

Марқұмның қарындасы Жанат Иманғалиева полицейлер ағасының қайтыс болғанын хабарламағанын айтады.

"Іздемеді, хабарламады. Өзім 12 қыркүйекте барғанда, олар 26 маусымда қайтыс болғанын айтты. Екі жарым ай мәйітханада жатты. Не учаскелік инспектор, не тергеуші телефондарын көтермейді. Меніңше, олар үшін бұл – қалыпты жағдай. Ағамды адам құрлы көрмеді. Ит секілді көміп тастады. Еш өкініш те жоқ", – деді Жанат Иманғалиева.

"Жарық, әдемі жер емес, кезек күтіп айқайлаған адамдар болды": Клиникалық өлімді бастан кешкен қазақстандық әйел не көргенін айтты

Жаттығудан кейін жүрегі ұстап қалған: Шымкентте үндістандық студент көз жұмды

Еске салайық, бұған дейін 1 сәуірде "Жеңіс" саябағының жанындағы алаңда өтіп бара жатқан әйелдің көзіне ер адамның жаншылған денесі түскен. Марқұмның бет-әлпеті мүлде танымастай күйде болған. Құқық қорғау органдары 44 жастағы марқұмның аты-жөні Жандос С екенін анықтады. Ол – бұрынғы полиция қызметкері.

Талқылау