Ақтөбеде кәмелетке толмаған баласы жыныстық қатынасқа түскені үшін анасы жазаланды
Ақтөбеде 14 жастағы бала мен 15 жастағы қыз жыныстық қатынасқа түскен. Аталған жағдай кәмелетке толмағандардың істері жөніндегі сотта қаралып, ұлдың анасы жазаланды. Бұл туралы Stan.kz ақпарат агенттігі хабарлайды.
Фото: iStock/rg.ru
38 жастағы ақтөбелік әйелге "кәмелетке толмаған баланы тәрбиелеу жөніндегі міндеттерді орындамау" бабы бойынша әкімшілік құқық бұзушылық туралы айып тағылды.
"Оның 14 жастағы ұлы үйде 15 жастағы қызбен жыныстық қатынасқа түскен. Кішкентай балалардың орынсыз ісі үшін енді ересектер жауап беретін болады. Жасөспірімнің анасы сотта кінәсін мойындап, ұлына қарамағанын, қазір оның тәрбиесін қадағалап жатқанын айтты", - делінген хабарламада.
Сот әйел адам кінәсін мойындағанын және отбасының материалдық жағдайын ескеріп, 48 мың 300 теңге айыппұл салды.
Айта кетейік, бұған дейін Абай облысында 8 жасар баланы боранды күні малға жіберген ата-ана ешқандай жауапкершілікке тартылмайтыны туралы жазған едік.
2026 жылы шетелдік көрмелерге Алматы әкімдігі 1 млрд теңге жұмсайды: Делегациялар Дубай, Токио және Гонконгқа барады
Әр көрмеге орта есеппен 80 миллион теңгеден қарастырылған
"Ағаш сындырып, от жаққан, пиротехника атқан": Алматылықтар Бұтақты мен Көкжайлаудағы күл мен қоқысқа шағымданды
Тауға демалуға барған жұрт от жағып, тамақ пісіруге тыйым салу керек десті