Ақтөбеде 120-дан астам шетелдік азамат елге заңсыз өтіп алған
Ақтөбеде 120-дан астам шетелдік азаматқа заңсыз түрде елде тұруға рұқсат берілген. Бұл туралы Stan.kz ақпарат агенттігі хабарлайды.
Фото: Pixabay.com
Ұлттық қауіпсіздік комитетінің Ақтөбе облысы бойынша департаменті жергілікті тұрғын ұйымдастырған заңсыз көші-қон арнасының жолын кесті.
“Тергеу барысында 120-дан астам шетелдік азаматтың заңды айналып өтіп, жалған жұмысқа орналастыру және тұрғылықты жері бойынша тіркеу арқылы елде тұруын заңдастыруға мүмкіндік берген схема анықталды”, – делінген хабарламада.
20 наурызда Ақтөбе қалалық сотының қаулысымен ұйымдастырушы Қылмыстық кодекстің 394-бабының 1-бөлігі “Заңсыз көші-қонды ұйымдастыру” бойынша қылмыстық жауапкершілікке тартылып, бір жылға бас бостандығынан шектеу жазасы тағайындалды.
Шетелдіктердің Қазақстанда заңсыз алған уақытша тұруға рұқсаттары жойылды.
Талқылау