Ақтаудағы техникалық қызмет көрсету станциясындағы өрттен екі шетелдікті ауыр күйік шалды
Видеодан скриншот
Ақтаудағы техникалық қызмет көрсету станциясындағы өрттен кейін екі ер адам жансақтау бөліміне жеткізілді. Бұл туралы Stan.kz ақпарат агенттігі КТК арнасына сілтеме жасап хабарлайды.
Қаладағы жанармай құю станцияларының бірінде өрт шығып, екі гаражды шарпыды.
Оқиға кезінде ғимарат ішінде екі шетелдік адам болған. Олар қатты күйік алды: бір зардап шегушінің денесінің шамамен 90%-ы зақымдалған, ал екіншісі 25%-ы зақымдалған. Екеуі де ауруханаға жатқызылып, облыстық аурухананың жансақтау бөлімінде жатыр.
Алматы облысында бір отбасының төрт мүшесі газға уланып қайтыс болды
"Жарақат алған науқастардың жағдайы өте ауыр. Олар шамамен 31-32 жаста, екеуі де шетелдік азаматтар. Алғашқы медициналық көмек түскен кезде көрсетілді. Қазір олар қатты күйікпен жансақтау бөлімінде", – деді Маңғыстау облыстық ауруханасының комбустиолог маманы Самалбек Жұмағұлов.
Үш көлік толығымен қирады, ал тағы үшеуі ішінара зақымдалды. Оқиғаның себебі әлі анықталған жоқ.
