Ақтаудағы ұшақ апатына байланысты Баку әуежайындағы жаңа жылдық шырша алып тасталды (видео)
Ақтаудағы ұшақ апатына байланысты Баку әуежайындағы жаңа жылдық шырша алып тасталды. Бұл туралы Stan.kz ақпарат агенттігі хабарлайды.
Видеодан скрин
Гейдар Әлиев атындағы Баку әуежайында Қазақстанның Ақтау қаласында болған ұшақ апатына байланысты мерекелік жаңа жылдық шыршаны алып тастау туралы шешім қабылданды.
Әзірбайжандық БАҚ-та шыршаны жинау сәтінің видеосы жарияланды. Апатқа ұшыраған “Azerbaijan Airlines” әуе компаниясының ұшағы осы Баку әуежайынан ұшқан.
-
Ақтаудағы ұшақ апатына Ресейдің әуе қорғаныс жүйесі себеп болғаны туралы ақпарат тарады: Қазақстан билігі не дейді
-
Ақтауда апатқа ұшыраған ұшақ бортындағы қазақстандықтардың барлығы қаза тапқан
Еске салсақ, Ақтау маңында Бакуден Грозныйға ұшып бара жатқан "Azerbaijan Airlines" әуе компаниясына тиесілі жолаушылар ұшағы құлағаны туралы жазған едік. Желіде ұшақтың ішінде апатқа дейін және кейін түсірілген видеолар пайда болды.
Қазір апат болған Түпқараған ауданында жергілікті ауқымдағы төтенше жағдай жарияланды. Ұшақ апатынан 38 адамның қаза тапқаны белгілі болды.