Ақтауда MMA файтерінің денесі қоқыстан табылды

Ақтауда аралас жекпе-жек спортшысының денесі қоқыс контейнерінен табылған.  Бұл туралы Stan.kz ақпарат агенттігі Lada.kz сайтына сілтеме жасап хабарлайды.

Фото: Видеодан скриншот/Lada.kz

20 қыркүйекте Ақтауда 3-шағын ауданда файтер Вусал Жафаровтың мәйіті қоқыс контейнерінен табылды. Оның денесі жараланып, толық ісінген, беті қарайған.

Полиция департаменті бұл ақпаратты растады. 

“Ер адамның денесінің табылғанына қатысты сотқа дейінгі тергеу басталды. Сараптама тағайындалды. Тергеу жалғасып жатыр. Басқа мәліметтер тергеу мүддесі үшін жарияланбайды", – деді полиция департаментінің баспасөз қызметі.

• "Ораза ұстаған": Ақтаулық бапкер MMA жекпе-жегі кезінде спортшының неден қайтыс болғаны туралы айтып берді

• "Зиратқа апарып екі досты атып өлтірген": Ақмола облысында оққа ұшқан ММА бапкерінің анасы тергеудің әділ өтуін талап етеді

Желі қолданушыларының мәлімдеуінше, Вусал Жафаровты ұрып-соғып, ер адамның денесі бірнеше күн көшеде жатқан.

Вусал Джафаров 1994 жылы 10 қаңтарда дүниеге келген. Ол кәсіби мансабын 2015 жылы бастады. Төрт жекпе-жек өткізіп, біреуінде жеңіске жетіп, үшеуінде жеңілген.