АҚШ-та су тасқынынан көз жұмғандар саны 68-ге жетті
Видеодан скриншот
АҚШ-тың Техас штатында су тасқыны салдарынан қаза тапқандар саны 68 адамға жетті. Бұл туралы Stan.kz ақпарат агенттігі хабарлайды.
Жергілікті биліктің мәліметінше, Керр графтығында 59 адам көз жұмған, тағы 9 адам көршілес аудандарда қаза тапқан. Сонымен қатар христиан жазғы лагерінен із-түзсіз жоғалған қыз балалардың саны 27-ден 11-ге азайғаны хабарланды.
АҚШ президенті Дональд Трамп су тасқынына байланысты Техас штатында төтенше жағдай режимін енгізді.
Айта кетейік, Техаста нөсер жауын салдарынан өзендер арнасынан асып, лай мен су тасқындары жүрген болатын. Құтқарушылар әлі де өзен жағалауларын тексеріп, үйінділерді қарап, із-түзсіз кеткендерді іздестіруде.
"Ақыл-ойы кемістігін пайдаланып алдаған": Жамбыл облысында зорланып, жүкті болып қалған оқушының анасы 6 айдан бері әділдікке қол жеткізе алмай жүр
Жәбірленушінің анасы бір ғана адамның күдікті ретінде танылғанына наразы
