15 жастағы қазақстандық жарыста мойнын сындырып, комаға түсті (видео)
Видеодан скрин
Ақмола облысында өткен жарыс кезінде 15 жастағы жасөспірім мойнын сындырып алды. Бұл туралы Stan.kz ақпарат агенттігі хабарлайды.
Оқиға 7 қыркүйек күні Ерейментау ауданында болған.
"Қазақша күрес бойынша өткен жарыс кезінде 15 жастағы жасөспірім ауыр жарақат алды. Қылмыстық іс қозғалды. Қазіргі уақытта сотқа дейінгі тергеу жүргізілуде", – делінген полиция хабарламасында.
Денсаулық сақтау басқармасының хабарлауынша, жасөспірім шұғыл түрде санитарлық авиациямен Астанадағы ауруханаға жеткізілген.
"Алғашқы тексеруде жасөспірім ес-түссіз, клиникалық өлім жағдайында болған. Оқиға орнында реанимациялық көмек көрсетілді. Ауруханада оған жанама массаж, адреналин, дефибрилляция жасалып, содан кейін жүрек соғысы қалпына келді. Кейін жасанды тыныс алу құрылғысына қосылды", – дейді дәрігерлер.
Еске салсақ, бұған дейін Оралда 5 жасар бала MMA жаттығуы кезінде жарақат алып, бір көзінен айырылғаны туралы жазған едік.
Министр Нұртілеуді ұстады деп жалған ақпарат таратқан Orda.kz құрылтайшысы кім және оны қандай жаза күтіп тұр?
